Mu'asasada Ileys (MI) waa urur samofal oo aan siyaasad shaqo ku lahayn. Sida laga dhadhansan karoba, ereyga Ileys wuxuu ka tarjumayaa in ururku yahay ileys u soo bidhaamay shacabka Soomaaliyeed.

Aasaasitaanka Ileys oo la dhisay Febraayo 2006dii, waxay ka dambeysay kulan ay yeesheen koox aqoonyahanno ah oo rag iyo dumarba leh, kuwaasoo qiimeyn guud ku sameeyay dhibaatooyinka ay la kulmaan shacabka ku dhaqan gobollada dhexe ee Soomaaliya.

Aasaasayaasha Ileys waxaa ay ka dhiidhiyeen dhiidhiyeen in la moodo in gobollada dhexe la dayacay. Sida la ogsoon yahayba, hay'adaha samofalka ee ka howlgala Soomaaliya  dhibaatada waxay xoogga saaraan magaalooyinka waaweyn sida Muqdisho, Kismayo, Baydhabo, iwm. Sidoo kale dadka aqoonyahanka ah ayaa iyaguna u muuqda inay ku badan yihiin magaalooyinka waaweyn, taasoo keeneysa in dad aqoon leh laga waayo gobollada qaarkood. Arrintan ayaa sababta in dadku weli ka soo haajiraan gobollada dhexe iyagoo soo raadsanaya meelo ay nolol wanaagsan iyo waxbarashaba ka heli karaan.

Hase yeeshee Ileys waxay dadaal ugu jirtaa sidii ay wax uga qaban lahayd dhibaatooyinkan, sidoo kalena ay ugu dhirrigelin lahayd aqoonyahanka sidii ay uga shaqeyn lahaayeen gobolladaas, iyadoo la abuurayo adeegyo soo jiita aqoonyahanka si ay gacan uga geystaan sare-u-qaaddida tayada nolosha ee gobollada dhexe.

Inkastoo xaruntu tahay magaalada Dhuusamarreeb, haddana Ileys waxay xafiisyo ku leedahay Muqdisho iyo Guriceel. Sidoo kale waxay wakiillo ku leedahay Yurub, Waqooyiga Mareykanka, iyo Khaliijka. 

 
Aragtida fog ee Ileys
Ileys waxay higsaneysaa inay ka qeyb qaadato sidii loo dhisi lahaa bulsho isu naxarisaneysa oo ku wada nool nabad, isku-filnaansho dhaqaale, iyo sharaf. dignity.   

Waxa ay Hay'addu u jirto
Ileys waxay u jirtaa inay bulsho is caawineysa iyadoo la sii marayo barnaamijyo horumarineed iyo wacyigelinta bulshada si looga shaqeeyo sare-u-qaaddida tayada nolosha aadanaha iyo xoolaha.