Dhiibaatooyin waaweyn ayaa soo gaaray deegaanka Soomaaliya sanadihii ugu dambeeyay ee uu brburku ka jiray dalka. Haddaba Hay'adda Ileys waxay ku dadaaleysaa sidii ay wax uga qaban lahayd dhiibaatooyinka deegaan ee ka taagan gobollada dhexe ee Soomaaliya.

Nin dul fadhiya gaari ay ku raran tahay dhuxul dibedda loo dhoofinayo

Hay'addu waxay wax ka qaban doontaa dhibaatooyinkan:  

1.        Gubitaanka dhirta iyo baabi'inta keymaha iyadoo la doonayo in loo beddelo dhuxul loo dhoofiyo dalka dibeddiisa.

2.        Iyadoo aad loogu tiirsan yahay dhuxusha si dadku wax ugu karsadaan  

3.        Iyadoo reer-guuraagu geedo badan si ay u sameystaan aqallo (guryo) ama moorooyinka xooluhu gabbaadsadaan. Maadaama reer-guuraagu socod badan yihiin, waxay taasi la mid tahay in geedo badan loo jaro sababtaas awgeed.

4.        Iyadoo ay dalka ka jirto khatarta ka iman karta suntan niyuklerka ee lagu daadiyay xeebaha iyo meelo ka mid ah dhulka Soomaaliya.

5.        Iyadoo durjoogta dalka lagu hayo dabar-goyn joogto ah  

6.        Maraakiib iyo doomo dheereeya oo aad xaalufin ku haya kalluunka xeebaha dalka

7.        Iyadoo aysan jirin wacyi-gelin ku saabsan dhanka ilaalinta deegaanka  

Hadda si wax looga qabto dhibaatooyinka deeganka, Hay'adda Ileys waxay qorsheyneysaa:    

1. Inay raadiso qaab lagula dagaallamo nabaad-guurka ku socda dhulka Soomaaliya.
2. In cilmi-baaris lagu sameeyo deegaanka gobollada dhexe iyo meelaha ugu ba'an ee ay waxyeelladu soo gaartay.
3. In la billaabo ololeyaal dadka loogu dhiirigelinayo sinay tallaalaan geedo cusub.
4. In la abuuro, isla markaana lagu tababaro xirfado shaqooyin oo ay ku shaqeystaan dadka haatan ka shaqeeya goynta dhirta.
5. In sare loo qaado wacyiga dadka ee ku saabsan ilaalinta deegaanka, sidoo kalena lagu dhiirgeliyo bulshada sidii ay uga qeyb qadaan lahaayeen ilalainta deegaanka.
6. In la qabanqaabiyo siminaarro iyo aqoon-isweydaarsiyo looga hadlayo ilaalinta deegaanka.