Sida la wada ogsoon yahay, dhaqaalaha Soomaaliya wuxuu ku tiirsan yahay wax-soo-saarka xoolaha iyo beeraha.

Maadaama ay ku nool yihiin dhul u eg lama-degaan, dadka ku nool gobollada dhexe waxay u badan yihiin reer-guuraa ku tiirsan wax-soo-saarka xoolaha.

Hase yeeshee xoolaha Soomaalida guud ahaan waxaa haysta dhibaatooyin badan sida cudurro la daweyn karo haddii dawadooda la helo. Ka sokow caafimaadka xoolaha, waxay xoola-dhaqatadu u baahan yihiin in laga wacyi-geliyo qaabka ay xoolahooda u naaxin karaan si ay lacag fiican ugu gooyaan.