Kadib Wadahadallo Dhexmaray Masuuliyiin ka socotay hay’add waddaniga Ee ILEYS FOUDATION iyo Masuuliyiinta Maamulka iyo nabadgelyada ee Degmada dh.mareeb ee Xarunta gobolka galgaduud ayey suuragashay Howsha dib loogu soo noolaynayo dhismihii iyo shaqadii uu bulshada Gobolka galgaduud uu u qaban jiray dugsigii sare ee ee gobolkaasi,

Masuuliyiinta maamulka iyo nabadgelyada, odayaasha dhaqanka iyo Xubnaha maamulka ee hay’adda ILEYS FOUNDATION oo wada booqday Dhismaha Dugsiga sare ee  gobolka galgaduud oo ku yaal xarunta gobolka Galgaduud ee DHuusamareeb ayaa isla gartay inay muhiimtahay in Dhismaha dugsigaasi sare ee Gobolka oo hadda guud ahaanba baaba’san Marka laga reebo wax xoogaa yar oo ka Taagan derbiyadii iyo qolalkii Qaarkood oo baaba’ xooggani ka muuqdo in la dayactiro si Ay uga Faa’iideystaan araday aad u farabadan oo meelo fog-fog u aadijiray  tacliinta Dusiga sare kadib markii ay dhammeysteen dugsiyada hoose dhexe ee Gobolka galgaduud ayna ka waayeen gobolkooda waxbarashada dugsiga Sare,taas oo ku qasabta in haddii aanay awoodin u safarka meelo fog-fog ay Sidaas ku waayeen tacliinta dugsiga sare.

 Irida Hore Ee  laga galo Dugsiga

Masuuliyiinta hay’adda ILEYS FOUDATION oo si gaar ah u booqday Dhismaha Dugsigan ayaa qeexay in  xiligani yahay mid ku habboon in dib Loo howlgeliyo DHismaha dugsiga sare ee gobolka, iyadoo hay’addu kadib  Wadahadaladii dhexmaray Masuuliyiinta hay’adda iyo madaxda maamulka Iyo nabadgelyada ay ka billowday Hay’addu Xarunta dugsiga sare ee Degmada dhuusamareeb  howl lagu nadiifinayo sabada dugsiga iyo guud Ahaan xayndaabka Dugsiga si loo suura-geliyo dhismaha qayb kamid ah  Dugsigan sare oo Isugu jirta qolal waxbarasho iyo maamul si qayb ahaan dib Loogu soo celiyo howshii uu dugsigani u hayey dadweynaha gobolka Galgaduud, iyadoo Dhismahani uu noqonayo wejigii koowaad ee loogu Talagalay in lagu soo Celiyo shaqadii Iyo dhismihii dugsigaasi sare,

Xaafiiskii uu dugsiga lahaa

Masuuliyiinta hay’adda oo guud ahaan lawareegay dhismaha dugsiga ayaa Goobta uu ku Yaal dhismahaaasi baaba’san waxa ay geeyeen farsamo Yaqaano iyo Enjineero dhinaca dhismaha ah oo naqshadeeya Dhismaha Cusub ee dib loogu soo noolaynayo Muuqaalkii baaba’ay ee Dugsiga sare ee Degmada dhuusamareeb iyo guud ahaan gobolka galgaduud.

Maamulka hay,adda ILEYS FOUDATION ayaa si guud ula wareegay DHammaan dhismaha dugsigan sare ee gobolka galgaduud ka dib markii ay Sidaas isla garteen dhammaaan odayaasha dhaqanka iyo madaxda Maamulkaba.

Qeybtii Jiifka Dugsiga uu lahaa oo geedihii laga jarey

Dhismaha dugsigan oo ahaa heer gobol ayaa ka kooban 3-qaybood oo kala ah:

1-Qaybta Waxbarashada

2-Qaybta Jiifka ardayda

3-Qaybta  Maamulka

Waxaana intaas soo raaca musqulaha iyo derjiinooyinka nasashada oo iyana Dugsigani lahaa, balse dhammaan qaybahan ayaa hadd aburbursan iyadoo Ay adagtahay in si dhib yar loo howl-geliyo dhammaan qaybaha kala duwan Ee dugsigan sare.

Hay’adda ILEYS FOUDATION ayaa qaadatay go’aanka dib loogu soo Celinayo shaqadii dugsigaasi sare ee gobolka galgaduud iyadoo alle Kaashanaysa

 Dib u soo celinta dhismaha dugsiga sare ee dhuusamareeb ayaa ah mid rajo Iyo yididiilo Cusub gelinaysa dadweynaha gobolka gaar ahaan ardayda Dhibaatada badan ku qabay helidda tacliinta dugsiga sare ee ku sugan guud Ahaan degmooyinka gobolkan galgaduud.

Daawo Sawirada